Vuê o ai passât il lunis di Pascute in plene culture, sfrutant i biliets a presit ridot che i Museus de nestre regjon a fasevin. Alore o ai stât a Udin in Cjistiel a viodi cheste mostre "I Goti dall'oriente alle Alpi".O ai vude cussì ocasion di cognossi un popul che al è passât ancje par chi, ma che i stes storics e archeolics no àn inmò cjatât tantis testemoneancis: di fat se te toponomastiche o vin olmis tai nons di Gôt (dongje Glemone) e Godie (dongje Udin), l'unic sît che al è stât sgjavât al è chel di Sant Zorç parsore Atimis.
Te foto grande o viodês un cjâf di femine, deformât parcè che chel popul al veve la usance di fassâ il cjâf fint di cuant che a jerin piçui: e jere une maniere par diferenziâsi di chês altris popolazions, une maniere par caraterizâsi. Fûr de bilietarie dal cjistiel o ai cjatât "par câs" Christian che al veve a pene cjolt il biliet e cussì i ai fat di vuide! =)
6 commenti:
O aprofiti ancje par saludâ la mê amie Elisa che dopo tant timp o ai cjatât propit in museu!! Maman! =)
Ancje jo le saludi =)
e grazie Ninine par vêmi compagnât. Soio stât un bon arlêf? maman e a la prossime =)
Eh Christian , si podares fâ di mior, dut câs ti darai un pos di compits par cjase! =P
Mandi, ti ai rispuindut :-)
Al bisugnarès viodi il parcé che in Friûl o vin proporzionalmenti ai talians, il cjâf plui grant di cualchi mm. Ch'al sêti par vie dai turcos? Dai gotos?
Posta un commento