lunedì 29 settembre 2008

Ancjemò su la Tumbare


Joibe ai 2 di Otubar, aes 20.30, intal contest de Mostre regjonâl dal miluç a Merêt si davuelzarà une cunvigne dal titul “La mutare di Tombe”, cun lis ultimis sul sgjâf de tombe di Rovul. A saràn presintis lis dott. Elisabetta Borgna (la mê prof. di Archeologjie Egee!) e Susi Corazza de Universitât dal Friûl, che nus spiegaràn i studis efetuâts su cheste grande scuvierte archeologjiche.

venerdì 26 settembre 2008

Serade cui Benandants

Nosere o soi stade invidade a une visite vuidade al cjstiel di Arcjan grazie a la associazion culturâl “I Benandants” di Merêt di Tombe. Il paron di cjase al à viert la tignude esclusivamentri par no e nus à vuidât dentri lis bielissimis stanziis dal cjstiel, spiegantnus un tic di storie de famee D’Arcjan e ufrintnus ancje un bondant rinfresc al calôr di un grant caminet impiât! Pardabon une biele visite, che us consei vivamentri ancje parcè che intal cjstiel i atuâi proprietaris a àn vierte un aziende di prodots biologjics (vin, vueli, pomis e altris buinis robutis) che si podin comprâ. O aprofiti ancje par publicizâ la bielissime zone di Rivis d’Arcjan che, ancje se piçule, a propon bielissims puescj e lûcs di visitâ.

martedì 23 settembre 2008

Zornadis Europeanis dal Patrimoni


Ai 27 e ai 28 di Setembar l’Italie e partecipe a lis Zornadis Europeanis dal Patrimoni cul slogan: “Lis grandis stradis de culture: viaç tra i tesaurs de Italie”.In dut il Paîs a saran vierts lûcs di art, presentazions di restaurs e lavôrs in cors, percors naturalistics e storics, cunvignis di aprofondiment, concierts, spetacui, proiezions cinematografichis, itineraris gastronomics e iniziativis intal ambit de didatiche.La Italie e partecipe a lis Zornadis dal 1995 e ogni an e dediche a la iniziative l’ultin sabide e domenie di Setembar. A la iniziative a aderissin ancje il Ministeri dai Afârs Esteris, il Ministeri de Istruzion de Universitât e de Ricercje, la Protezion Civîl, lis Regjons, i Ents Locâi, organizazions privadis, asociazions e il Ministeri dal Interni.

lunedì 22 settembre 2008

Sgjâf finît

Ecomi ca, tornade prin dal timp dal sgjâf di Magliano Sabina; di fat lis previsions no son stadis confermadis e lì che o vin sgjavât nol è vignût fûr propite nuie! =( La zone si clame Colle del Giglio, une colinute dulà che intai agns passâts a son vignudis in lûs cetantis sepolturis sabinis, cun furniduris une vore sioris, che a son stadis di grant aiût par capî la societât dal lûc.
Chest sgjâf al veve di sedi une conferme e une continuazion dai studiis tacâts a Colle del Forno, purtrop chest nol è stât pussibil; la aree indagade chest an, probabilmentri, e jere za stade disturbade (spalant une fuesse al è saltât fûr un pachet di sigaretis!), e dal sigûr no di archeolics. La richece dai furniments saltâts fûr intai agns passâts a àn sburtât clandestins a cirî prin di noaltris elements preziôs che no podaràn plui jessi testemoneâts.

giovedì 11 settembre 2008

I Sabins / 2

O jerin restâts al augure, cheste figure une vore impuartante inte antighitât, rivât a noaltris ancje grazie a lis numerosis citazions intal mont antîc; cun dut a chel però, rarissims a son stâts i ritrovaments di ogjets che testemoneavin la sô figure. Beh, a Colle del Forno o vin cjatât ben 2 lituis, cioè il simbul de sô incarghe; traviers chest strument lui al faseve i auspicis par capî il volê dai dius. Orientantsi cun il soreli, cui ponts cardinâi e cun altris riferiments al delineave cul lituo une regjon di spazi in cîl e in tiere dulà studiâ il svol dai uciei e interpretant la volontât divine. Une specie di sacerdot dal timp, une alte carighe rispietade e tignude in alte considerazion.
Dut chest par fâ capî che la necropoli di Colle del Forno e je stade dal sigûr une zone di sepolturis impuartantis, di grancj personaçs de societât di Eretum, l’insediament che Colle del Forno e jere il cimitieri.
Inte foto il lituo cjatât a Colle del Forno (dal museu di Fara Sabina).

mercoledì 10 settembre 2008

La cope dal mont a Udin!


Sì sì, e je propite jê! Vuê matine o ai stât a viodile intal comun a Udin, une emozion!
E par usgnot: fuarce Italie! =)

lunedì 8 settembre 2008

I Sabins / 1


Domenie o partìs par un gnûf sgjâf a Magliano Sabina, in provincie di Rieti, cul gno prof. di etruscologjie e antichitâts italichis Enrico Benelli (gno relatôr pe tesi!). Za di un 3 agns jo e i miei compagns di universitât o lin par cualchi setemane a sgjavâ intal teritori che al fo patrie dai antîcs Sabins, popolazion stanziade in chê zone che vuê e comprent su par jù la provincie di Rieti apont, e che e ve strets rapuarts cui Romans; pensait par esempli il famôs episodi dal rat des Sabinis, o la origjine di cualchi re di Rome, come Numa Pompilio e Anco Marcio, che e jerin apont Sabins.
Fint l’an passât o vin sgjavât a Colle del Forno, in comun di Montelibretti (prov. di Rome), une impuartante necropoli sabine, dulà che a son vignudis in lûs une cuarantine di tombis a cjamare, retaç di personaçs impuartants, in particolâr di vuerîrs, stant che si è cjatât armis e furniments pertinents propit a cheste categorie di personis.
No son mancjâts però ritrovaments di sepolturis femininis e ancje di chel personaç tant inomenât te antichitât: l’augure.
Ma di chest us fevelarai intal prossim post! =)

Inte foto une cjartine de Sabine antighe, cun indicadis lis popolazions dal centri Italie.

sabato 6 settembre 2008

Lis gnovis su Rovul!


Nosere o ai vût cualchi gnove su Rovul, cemût che al stâ e dulà che al è! =)
Duncje, subit dopo dal sgjâf i adets a àn proviodût al calc: prime di dut il scheletri al è stât netât ben de tiere e metût in lûs; daspò i è stade metude parsore une colade di une gome speciâl che aderint ai vues e permet di stacaiu de tiere in maniere sigure, tocut par tocut.
Duncje cumò al è stât puartât intal laboratori de universitât dal Friûl, in vie Largje a Udin, in spiete dai risultâts des datazions; difat tre framents a son stâts mandâts in tre laboratoris difarents pal Radiocarbonio, cussì o savarin tros agns che al à il nestri von! =)

mercoledì 3 settembre 2008

Gnove scuvierte a Glemone

Al è stât cjatât un scheletri sot la glesie di Sante Ane a Glemone, butade jù dal taramot dal ’76. A chi, di un an in ca, a stan scavant volontaris de asociazion Valentino Ostermann; e je vignude in lûs prime la crepe e dopo dut il scheletri di un individui om, distirât cui braçs incrosâts e il cjâf pleât.
Dai prins studis efetuâts, grazie ancje a la Sovrintendince, si è dade une datazion antecedente al 1500; il muart al è alt 1.70, ben conservât, ma cun ducj i dincj guascj; nol jere stât metût intune casse.Il furniment nol è consistent, dome cualchi toc di metâl.
Cumò a varan di jessi efetuâts ducj i studis relatîfs par podê dâ une identitât a chest scheletri.

lunedì 1 settembre 2008

La cuistion dai archeolics

Sperin ben...

MANOVRA: ARCHEOLOGI, OGGI PRIMO PASSO IMPORTANTE SU REGOLE

(ANSA) - ROMA, 23 LUG - "Accogliamo con soddisfazione la disponibilita' del governo ad affrontare le problematiche degli archeologi la cui condizione soffre di una assoluta mancanza di regole a fronte della delicatezza del ruolo che svolgono". Lo dichiara l'Associazione Nazionale Archeologi (Ana) a proposito dell'ordine del giorno approvato oggi alla Camera per il riconoscimento della professione di archeologo presentato da
alcuni deputati del Pd.
"L'ordine del giorno approvato oggi alla Camera - prosegue la nota - ci spinge a chiedere al Ministro Bondi di attivarsi per superare l'incertezza normativa relativa ai requisiti formativi e curriculari che devono possedere i soggetti, pubblici e privati, ed i professionisti per l'esecuzione di scavi archeologici".

"Quello di oggi - commenta il Presidente dell'ANA, Tsao Cevoli - e' un primo importante passo per dare dignita' a migliaia di lavoratori professionisti ai quali ogni giorno e' affidato un ruolo fondamentale negli interventi di ricerca,
tutela e valorizzazione dello straordinario patrimonio
archeologico del nostro Paese, e che per decenni, per colpa di una carenza normativa, sono stati costretti a operare senza tutele ne' diritti, privi di qualsiasi forma di riconoscimento e regolamentazione della professione".