Un puestut par fevelâ de mê grande passion di simpri, la archeologjie, ma no dome...
giovedì 4 giugno 2009
mandi
Par cumò o voi, cun displasê. O speri che al sedi un moment, ma no rivant a stai daûr cun continuitât mi somee plui just sierâlu, almancul par un pôc. Grazie a ducj chei che mi àn seguît fint cumò. Maman
giovedì 21 maggio 2009
Gnove scuvierte a Luxor
martedì 19 maggio 2009
Storie e archeologjie intal comun di Maian
lunedì 18 maggio 2009
La cunvigne di toponomastiche
Inte foto cun me i relatôrs Filippo Rosset e Benvenuto Castellarin.
venerdì 15 maggio 2009
toponomastiche a Branc
mercoledì 13 maggio 2009
Il divorzi di Indrì VIII
sabato 9 maggio 2009
Cunvigne di toponomastiche
Dai 15 ai 24 di Mai al Centri Sociâl di Branc di Tavagnà si davuelzarà la setime cunvigne di toponomastiche locâl. Sabide 16 o fasarai di coordenadore ai varis intervents dai relatôrs, cun inizi aes 15. Us spieti! =)
Par viodi miôr la locandine fracait su la imagjin
giovedì 7 maggio 2009
Scuele taliane
O ai un grant displasê, ma ancje une grande rabie. Chest an, inte Universitât dal Friûl, pai students iscrits al cors di lauree in Conservazion dai Bens Culturâi e Archeologjie a saràn atîfs dome i sgjâfs didatics di Aquilee. Gjavâts chei medievâi, chei mediorientâi e chei protostorics. Inutil stâ chi a spiegâ il parcè. O jerin une des universitâts cun plui ufierte didatiche, une ponte di ecelenze in chest cjamp...ce avilizion. Chê altre dì o soi lade a fevelâ cu la diretrice de scuele medie di Basilian par proponi il gno laboratori didatic di archeologjie. Dopo l'entusiasim iniziâl pe biele ativitât, la solite rispueste: no vin bêçs. Ma cemût si fasie a vivi intun paîs che al gjave i bêçs ai zovins e ai students, a lis scuelis, a la culture! Jo no lu aceti!
Inte foto: la scuele taliane
mercoledì 6 maggio 2009
martedì 5 maggio 2009
Cunvigne
domenica 26 aprile 2009
Patrimoni artistic dal FVG intun click
mercoledì 22 aprile 2009
Ve chì i oraris:
martars- vinars 14.00-19.00
sabide-domenie 10.00-19.00
lunis sierât
ingrès libar
martedì 21 aprile 2009
Pieri Pauli Pasolini
domenica 19 aprile 2009
XX agns de SFA
sabato 18 aprile 2009
Cjstiei vierts
Par info: www. consorziocastelli.it
mercoledì 15 aprile 2009
Apontaments
Us segnali doi apontaments di lâ a sintî:
- doman ai 16 di Avrîl aes 20.30 lì de Sale don Attilio Della Mora intal oratori di San Canzian dal Lusinç, presentazion dal libri "Torri di Porta Aquileia" a cure de autrice Desiree Dreos.
- Simpri doman aes 20.30 lì de biblioteche a Codroip la dott.re Diana Bitto e tratarà il teme: "La scrittura dei numeri dalla preistoria al medioevo".
martedì 14 aprile 2009
Lis olmis dal dinosaur
lunedì 13 aprile 2009
giovedì 9 aprile 2009
Imperatîf...vinci!
lunedì 6 aprile 2009
sabato 4 aprile 2009
Mostre sui Langobarts
Oraris: Vinars 16.00 – 19.00; Sabide, domenie e festîfs 10.00 –12.30 / 15.00 – 19.30.
venerdì 3 aprile 2009
mercoledì 1 aprile 2009
Pagjine Marilenghe
O ringrazii la Sff e Sonia Sicco che e à scrit un toc dedicât ai blogs par furlan e mi à clamât par domandâmi une opinion a rivuart.
Tal prin coment us met l'articul. =)
martedì 31 marzo 2009
Pe Patrie
Comun di Codroip
Provincie di Udin
Societât Filologjiche Furlane
Fieste de Patrie dal Friûl, ai 3 di Avrîl dal 2009
Codroip - Biblioteche Civiche Don Gilberto Pressacco
Dai 3 ai 10 di Avrîl proiezions pes scuelis
- pai fruts des Scuelis primariis Omenuts vol. 4. Il mont des ruedis, carton animât par furlan realizât de Societât Filologjiche Furlane
- pai arlêfs des Scuelis mediis Friûl viaç te storie: des origjinis ae fin dal stât patriarcjâl, documentari realizât de Provincie di Udin
Joibe ai 2 di Avrîl aes siet sot sere
Scree de mostre E nas une lenghe Nasce una lingua The birth of a language
Consegne de Costituzion de Republiche Taliane voltade par furlan ai zovins di Codroip che a àn a pene finît 18 agns
In serade, conference su lis potenzialitâts de marilenghe tant che mieç di comunicazion moderni e creatîf: proiezion di doi video musicâi dal grup codroipês Jonokognòs cu la regjie di Marco DAgostini e coment dai fumuts 3 di Avrîl e La disfide di Spilimberc dal disegnadôr di Bertiûl Luca Malisan
Vinars ai 3 di Avrîl aes vot e mieze di sere
Conference Napoleon a Codroip: la bataie dal Tiliment par cure di Paolo Foramitti inte suaze dai incuintris di argoment storic Al jere une volte
O sês ducj invidâts a partecipâ.
giovedì 26 marzo 2009
Cjarlin centri culturâl par 3 dîs
mercoledì 25 marzo 2009
O soi tornade...sul gjornal!
Ve chì che o soi di gnûf! Cumò o soi un tic plui abronzade che no te foto...=)
Us segnali chest articul dal MV di vuê su la mostre des Grovis di Basilian che us vevi za fevelât: lait a viodi il prin coment.
O vês timp inmò fint domenie par lâ a viodile!
Inte foto: jo dongje de Cividini e la assessore ae culture di Basilian D'Avena Mariagrazia.
sabato 14 marzo 2009
martedì 10 marzo 2009
e vie no...
Martars in biblioteche di storie in Palaç Antonini o vin fate une riunion tra students, cu la presince ancje di rapresentants dal ateneu, su la riduzion dai oraris des bibliotechis, a seguit oviamentri dai tais proviodûts (ancje) pe istruzion. Al à fevelât par prin il delegât dal Retôr, il prof. Ludovico Rebaudo, spiegantnus la reâl situazion economiche de universitât. Cualchi dât tant par capîsi: cumò come cumò la universitât di Udin e jê in deficit di 8 milions di euros (!), che a deventaràn 11 milions entri il prossim an. Oramai o savìn che il nestri ateneu al è sotfinanziât dal 1992, creant duncje cheste situazion di emergjence.
Lis primis risorsis a jessi duncje tajadis a son stadis propit lis bibliotechis (pont fondamentâl di studi e ricercje par un student...) sedi in oraris che in materiâl; ven a stâi: cun il 16 di Fevrâr i oraris si son ridots a 40 oris setemanâls (un student lavoradôr cuant podial lâ a reperî i libris se dopo des 17 al ciate sierât?), cun di plui no podaràn jessi comprâts plui che tancj libris e ancje rivistis (inzornaments, ultimis ricercjiis...il mont de culture al è in continue evoluzion!). Insome, une situazion no dome di discomut, ma ancje di involuzion culturâl; par une universitât nassude a pene 30 agns indaûr, za jessi in chestis condizions...
Tra i varis intervents, sedi dai students che dai rapresentants (a jerin presints ancje il preside de facoltât di Letaris prof. Tabarroni e il diretôr de biblioteche di Storie prof. Zannini) e je vignude fûr cualchi propueste; la plui votade e je stade chê di meti in pîts un grup di students volontariis che si metaràn a disposizion par cuvierzi lis oriis di sieradure, ufrìnt distess il servizi di consultazion libris. Pe serie: dopo 1200 euros di tassis ad an...ma o ai di dî che la adesion e je stade alte, duncje sperìn che "par cumò" la situazion di emergjence si podedi risolvi in cheste maniere, in spiete di cualchi soluzion plui continuative.
venerdì 6 marzo 2009
Mostre a Basilian
Vuê aes 17.30 o soi stade ae inaugurazion de mostre fotografiche sul sgjâf di Grovis a Basilian. Inte biele cornîs di Vile Zamparo, centri culturâl dal comun, e jê stade alestide cheste mostre, che e durarà fint al 29 di Març, realizade cun undis cuadris espositîfs, dulà che si ripercorin i 10 agns di sgjâf di cheste localitât. Grovis (il significât de peraule al è "grun di claps") in comun di Basilian, al confin cul comun di Merêt di Tombe, al è il sît che dal 1999 in cà al sta dant grancj e impuartants risultâts in evidencis archeologjichis, intun arc di timp comprendût tra il I secul prin di Crist e il VII secul dopo Crist, o ben fint te epoche Altmedievâl (chi in Friûl ta chest periodi o vevin za presincis langobardis). A esponi i risultâts des ricercjis a jerin lis dotoris Cividini, Maggi e Magrini, che a àn fint dal inizi segûit i lavôrs; al incuintri a àn partecipât ancje un rapresentant de Sovrintendince e la Bancje di Credit Cooperatîf di Basilian, il prin finanziadôr dai lavôrs. Il fint dal incuintri, tra l'altri, al jere ancje chel di cjatâ un acuardi tra ents e comun su la maniere di proseguî lis ricercjiis. Plui indevant us contarai di plui su chest impuartant e prometint sît!
mercoledì 4 marzo 2009
An academic 2009
lunedì 2 marzo 2009
Mostre dal libri antîc
Dai 13 ai 15 di Març, intal Palaç de Permanente a Milan, si davuelzarà la vincjesime edizion de Mostre dal Libri Antîc, apontament impuartant par ducj i apasionâts e colezioniscj. Inaugurazion ai 12 di Març aes 18.30.
sabato 28 febbraio 2009
Il diu dal soreli
Îr si è vierte une mostre al Palaç Bricherasio di Torin dal titul Akhenaton faraone del sole, il faraon che al à istituît il cult di Aton, disc solâr, fasintlu deventâ uniche divinitât dal Regn. La storie dal faraon Akhenaton (Ehknaton-chel che al è util a Aton), omp di Nefertiti, e je une vore avincente, cun lui l'Egjit al passà agns di gambiaments e di contrascj, par vie de sô riforme "amarniane", stant che al impedì il cult di chei altris deis e la sierade dai templis. Ma forin ancje agns di rinovament culturâl e artistic. O vês timp par lâ a viodi la mostre fint al 14 di Jugn.
venerdì 27 febbraio 2009
Sgjâfs estîfs
Daûr segnalazion de Societât Furlane di Archeologjie us met a chì i programs dai sgjâfs estîfs che o podês svolzi come volontaris, par imparâ il lavôr di archeolic e cognossi miôr il nestri teritori (e no dome);
Codroip-Cjastelîr de Gridiscjie: dai 28 di Jugn ai 24 di Lui (fûr di sabide e domenie)
Atimis-cjstiel superiôr: dai 28 di Jugn ai 24 di Lui (fûr di sabide e domenie)
Atimis-Sant Zorz: date e program di definî
Verzegnis-Cuel Mazeit: dai 27 di Lui ai 14 di Avost
martedì 24 febbraio 2009
Bagnarie-Amburgo
Gnovis ricercjiis su teritori di Bagnarie, ancje cheste volte seguidis de Universitât di Amburgo su progjet de Roemische-Germanische Kommission di Francoforte sul Meno e dal Deutsche Institut di Archeologjie. Come che aromai si sa la zone e je interessade de presince di tracis romanis ma ancje langobardis. A lis ricercjiis a parteciparàn ancje il Museu di Udin e la Societât Furlane di Archeologjie. Ve chì il link cu la notizie.
Inte foto: piçule statue in bronç di Venere cjatade l'an passât a 'Sevean
venerdì 13 febbraio 2009
Incuintris a Aquilee
mercoledì 11 febbraio 2009
Cunvigne su Qatna
lunedì 9 febbraio 2009
sabato 7 febbraio 2009
Gjeroglific a la SFA
Ai 5 di Març al tache un minicors di 3 lezions di scriture gjeroglifiche inte sede de Societât Furlane di Archeologjie, in Tor di Puarte Vilalte; par cui che al è interessât us met chest link!
giovedì 5 febbraio 2009
Cunvigne su Darwin
lunedì 2 febbraio 2009
Va ca la mê interviste su RadioUno
Ve ca la mê interviste.
venerdì 30 gennaio 2009
Archeofurlane su Radio1
O soi stade contatâde di Antonella Lanfrit di Rai Radio1 inte gnove trasmission radiofoniche par furlan "Vuê o fevelin di..." par un intervent sul teme de archeologjie; un cuart di ore dulà che o ai fevelât dal gno blog e dal gno pregjetut di laboratori didatic. O podarês scoltâmi lunis ai 3 di Fevrâr a lis 15.15 su la frecuence regjionâl FM 94.9.
giovedì 29 gennaio 2009
Charles Darwin e la evoluzion umane
150 agns indaûr al vignive dât ae stampe un dai libris che di plui a àn gambiât la muse de storie, "La origjin des speciis" di Charles Darwin. A Udin e vignarà ricuardâde cheste impuartantissime figure che tant nus à dât ai 4 di Fevrâr, a lis 18.00, lì dal Salon dal Parlament in cjistiel, cul contribût di un antropolic di fame mondiâl, Ian Tattersall. Apontament di no pierdi!
mercoledì 28 gennaio 2009
lunedì 26 gennaio 2009
Tesaurs d'Egjit
giovedì 22 gennaio 2009
La Mariutine
martedì 20 gennaio 2009
Concors pai bb. cc., une comedie?
lunedì 19 gennaio 2009
giovedì 15 gennaio 2009
mercoledì 14 gennaio 2009
Il gotic intal Patriarcjiât di Aquilee
martedì 13 gennaio 2009
Tesaur di Codroip
sabato 10 gennaio 2009
Grignei di scuele!
Inte foto la mê jentrade "spetacolâr" in classe!
mercoledì 7 gennaio 2009
L'àn pierdude lant a messe...
lunedì 5 gennaio 2009
Si impiin i pignarûi!
Inte foto il pignarûl di doi agns indaûr a Vissandon.