venerdì 6 marzo 2009

Mostre a Basilian


Vuê aes 17.30 o soi stade ae inaugurazion de mostre fotografiche sul sgjâf di Grovis a Basilian. Inte biele cornîs di Vile Zamparo, centri culturâl dal comun, e jê stade alestide cheste mostre, che e durarà fint al 29 di Març, realizade cun undis cuadris espositîfs, dulà che si ripercorin i 10 agns di sgjâf di cheste localitât. Grovis (il significât de peraule al è "grun di claps") in comun di Basilian, al confin cul comun di Merêt di Tombe, al è il sît che dal 1999 in cà al sta dant grancj e impuartants risultâts in evidencis archeologjichis, intun arc di timp comprendût tra il I secul prin di Crist e il VII secul dopo Crist, o ben fint te epoche Altmedievâl (chi in Friûl ta chest periodi o vevin za presincis langobardis). A esponi i risultâts des ricercjis a jerin lis dotoris Cividini, Maggi e Magrini, che a àn fint dal inizi segûit i lavôrs; al incuintri a àn partecipât ancje un rapresentant de Sovrintendince e la Bancje di Credit Cooperatîf di Basilian, il prin finanziadôr dai lavôrs. Il fint dal incuintri, tra l'altri, al jere ancje chel di cjatâ un acuardi tra ents e comun su la maniere di proseguî lis ricercjiis. Plui indevant us contarai di plui su chest impuartant e prometint sît!

4 commenti:

bilite ha detto...

atu sot man las ores di aperture?

ninine ha detto...

viôt, e jê lì de biblioteche, cjale a chì
http://www.comune.basiliano.ud.it/homepage.htm

buie visite! maman!

Spirito di Donna ha detto...

è molto bella ed interessante.. mi ha fatto venire la curiosità di vedere gli scavi dal vivo... chissà se sarà possibile.. :D

ninine ha detto...

Sì che si pues! Dome che tu varâs di spieta che a tachedin i lavôrs parcè che cumò al è dut taponât. A pene che o sai alc us visi di sigûr! =)