La mê passion pe archeologjie e je scomençade cuant che o jeri piçule: i miei mi puartavin simpri a torzeon e jo mi incocalivi a cjalâ i vecjos borcs, lis cjasis di une volte, lis glesiis di agnorums, lis citâts plenis di storie e di culture. Po dopo une dì, tal gno piçul paisut (Vissandon), e je stade scuvierte par câs une tombe longobarde: la mestre nus puartà a viodile, e jo frutine o restai cussì incantesemade di chei cuatri vues inte buse che mai insumiai par setemanis! Di in chê volte o ai simpri let tancj libris su la storie e viodût un grum di documentaris di Piero Angela! Vignude grande (migo tant…) o ai lassât i miei siums di frute intal caset, fint cuant che a Udin a àn viert il cors di Archeologjie! Nol jere plui dome un sium il gno! Di fat…
martedì 4 marzo 2008
La mê cariere
Iscriviti a:
Commenti sul post (Atom)
14 commenti:
Mandi Ninine,
biel post, ma une domande... chei doi in bande ce sono? doi reperts di une birerie sabine...? ehehe ;-)
Hehehe! Sì, ju vin cjatats te tombe! E vevin fat un banchetto prime di siarà il muart!! =)
Ah! Scusa Fedra se ho usato la tua immagine abusivamente!! =)
Sino sigurs che lis birutis che a si viodin te la foto a no us vein distratis dal lavor? Sao iò? Magari a si scumbinin ducju i tocus e al salte four che i omenus verts a ierin ateras a Rome ai timps dai romans.
Edgar cjale, par chel che o ai capit jo fint cumò di chei tocuts dut al è pussibil...
Compliments di cûr pal to furlan. Coret e di plasevule leture. Cul pasât remot che nisun lu dopre plui nancje cjacarant normalmentri.
E sôre dut no l'è el furlan "ridicul" che si sint pronuncià a stent par "lis gnovis" di Telefriuli, cirint di falu passà par "uficiâl" :-;
Mandi e a rivjodisi.
Grazie bintar, par mê al è un plasè doprâ ben le mê lenghe, mi sfuarci di scrivi in tal mior mut pussibil! Dut câs o ai vut un bon mestri! Maman!
mandi ninine... ah sì? e cui saressial il mestri? ;-)
mah! jo o stoi fasint un cors di furlan inte filologjiche...tu sastu nuie? ;)
mah... alc mi pâr di savê... ;-)
Cun duç vuâltris ch'o lais a scuele di furlan, al baste vignî achi par imparâlu:-)
Beh grazie Jajo, jo o cir di fa dal me mior! =)
Atu savût chê dal sito archeologjic di Allianoi ch'al sarà inondât par simpri dopo 10 agns di scâvs?
Sì, o ai let...e dopo a pretindin di jentrâ in Europe...
Posta un commento