giovedì 20 marzo 2008

E je rivade la Vierte!


Finalmentri o jentrìn te biele stagjon, dulà che lis zornadis a son plui lungjis, la temperadure si alce e al è un plasê stâ di fûr, fâ cualchi cjaminade pe campagne o cualchi corse in biciclete! Vêso mai stât a fâ un zirut pe ipovie che e passe di lunc dal Cormôr? O podês partî dal parc dongje il stadio e lâ su fint a Buie! Jo une dì le ai fate dute, e crodêtmi, e vâl propite la pene!

7 commenti:

Christian Romanini ha detto...

mandi Ninine,
eh sì eje propit biele la ipovie... ancje jo le ai fate... beh, no propit fint a Buie... o ai fat un tocut tacant dal Parc dal Cormôr fint a Culugne, ma dopo mi soi visât che o ai la panze... e o ai scugnût tornâ indaûr... par furtune che no jeri di bessôl!!! però chest Istât o fasarai un tocut di plui! (forsit...)

Jaio ha detto...

O ai cjatât un âltri archeologo iar ch'al fâs un grum di films su youtube e ch'al si clame Giuliano Pietra. Va a viodi che forsit al cj'interesse.
Jaio

ninine ha detto...

Ustie, grazie Jajo pe indicazion! =)

Furlans de diaspore ha detto...

O speri propite che al timp al tignedi in Avrîl, les ultimis dôs voltis co soi stat in Patrie al jere fuschie e frêt o soi smontât ju dal aereo in manis curtis... :-)

( in Maryland o sin plui o mancul un mes indenant in te stagjon )

mandi e buine Pasche !

ninine ha detto...

Mandi Norman,grazie e tancj auguris ancje a ti!!
P.S. puartiti un maionut và... =(

Harlock7 ha detto...

Un pescjador di Maran a mi à dite che i sin une lune indaur, io i pensi come lui, baste viodi ce timp che i vin in chei dis chi, martas a neveat...

ninine ha detto...

Eh sì Harlock, jo mi jeri za inludude di podê tirâ fur le mê tignude primaverîl e invezit... =(