mercoledì 19 marzo 2008

Art a cost di ce??


Vuê o resti sciocade di une notizie che e zire sul web: il “pseudoartist” Guillermo Habacuc Vargas dal Costa Rica al varès metût intune galarie di un museu un cjan vagabont, peât intun cjanton de sale e lassât murî di fam e di sêt! Dut chest par sensibilizâ la opinion publiche sul probleme dal abandon dai cjans intal so paîs. Cun di plui al à vût il coragjo di clamâle opare di art! Centenârs di miârs di personis di dut il mont si son rivoltadis cuintri chest at disuman che secont me nol cjate definizion. Intun blog come chest, dulà che si propon e si publicize la art in ogni sô forme, no podevi no trasmeti chest messaç di indignazion e di rabie par chê che sta deventant “art a ducj i coscj”. Lei la notizie.

5 commenti:

Furlans ha detto...

Mi ven al volte stomit dome a pensâ a une robe cussì.
No sai cemût che robis dal gjenar e puedin passâ pal cjâf di une persone cun mieç cûr.

No pensi cal sedi stat tant preocupât cu le salût e al ben sta' dai cjans plui che pe "sconvenience" di ve' chestis bestis a passon pe stradis de so pais.

ninine ha detto...

O soi dacordo, secont me al è stât dome un mut par metisi in mostre, ma al è mior che no si fâsi viodi tant ator!!! =/

Christian Romanini ha detto...

Mandi Ninine
le vevi za let e o vevi vût la tô stesse reazion.
Cierte int e varès dome di vergognâsi!

Jaio ha detto...

Aromai, plui si caghe âlt e plui al zove. Nuie da fâ:-)

Harlock7 ha detto...

Viodeit che Vargas a là belgjà otignut il so scopo dome pal fat che nu i stin fevelant di lui e da li sos oparis.

Il pont al è che fin tant che chist autor al vignarà clamat a esponi li sos "oparis" dut il rest a restin dome cjacaris. Il problema a è l'ipocrisie dai gallerisç che a san che un autor dentri ta li polemichis al parte int e la int a parte bes. A la fin a si trasforme dut in euros.