lunedì 2 giugno 2008

Friûl in prin

Ai 4 di Jugn aes 11 in vie Manin 15 a Udin al vignarà presentât il progjet atuât dal Archivi di Stât di Udin “Friûl in prin” (www.friulinprin.beniculturali.it), o ben une anagrafe storiche des fameis furlanis, il plui complet archivi storic mai realizât in regjon e un model avanzât ancje a nivel nazionâl.
Il sît internet al permetarà ricercjis di tipo storic-linguistic colegadis ae identitât locâl des minorancis furlanis e slovenis, ae cognossince de tradizion onomastiche dai grups familiârs, e par agregazion di dâts, aes culturis sociâls di un luc e des sôs popolazions.
Chest sît cun di plui al sarà util ancje a chês fameis che a vivin tal forest e che a vulin ricostruî lis lôrs lidrîis.

11 commenti:

Unknown ha detto...

O soi lât singarant tal sito par miez'ore zence cjatâ nuje di nuje. Dome elencos di ce ch'a si puès cjatâ lant sul puèst.Metodologjie mal spiegade e mâl fate, vecje, mâl pensade e finalmenti inutil parcé che se in 5 minûts a no tu rîvis a cjatâ cê ch'a tu ciris al risulte une grande monade spindude di bant.

Furlans de diaspore ha detto...

Chest al podarês jessi une vorone interessant, soredut par cui come me' che nol pues cjapâsi su' e la ator pal Friûl e la a ciri informazions par comuns e canonichis... :-(

Pal moment però' no mi par che vedin impiât al sit, parceche al salte fur dome le pagjne cu le date de conference/presentazion ma nie di plui.

Grazie pe segnalazion,

Venusia ha detto...

Jaio viôt che a àn di inaugurâlu doman! Al è ancje scrit, no sai dulà che tu sês lât a lei...

Furlans de diaspore ha detto...

Jajo al devi vivi in tal Futûr... :-)

Furlans de diaspore ha detto...

Cumò' al sît al funzione e al e' stupent graciononis pe segnalazion!

Venusia ha detto...

Ai gust di sedisti stade utile! =)

Christian Romanini ha detto...

sì ninine,
propit une biele segnalazion! grazie!

triku ha detto...

Sêstu miche lade ancje ae presentazion? Juste par savê se a àn dite che il progjet al larà indenant zontant altri materiâl o pûr se al è fat e finît.

Mi soi dispiticât a confrontâ un pôcs di dâts che o vevi cjapât sù tal archivi de mê parochie cun chei metûts in rêt, e a 'nd è diviersis robis sbaladis (agns di nassite, cognons trascrits mâl, e v.i.) e, tancj dâts che a mancjin.
Par chel o speri che il lavôr nol sedi finît, se no al sarès come vê alc a miezis.
Il progjet al è une vore biel come idee, ma a vuê, cussì cemût che al è, mi somee plui util par cui che al è lontan e nol rive a consultâ di persone i archivis chenti.

Pal Jaio: la scree e je stade fate ai 4 e in teorie prime di in chê volte il sît nol jere consultabil, ma se tu metevis il non dal progjet tun motôr di ricercje e tu passavis pes primis segnalazions jessudis tu rivavis a jentrâ distès...

Unknown ha detto...

Oilà furlans e furlanis scusait so sbori simpri masse a le svuelte:-)
Il furlan doc extracomunitari de Americhe al mi à dât finalmenti il link just ch'al mene diretamenti indulà ch'a si à di lâ e us al met achi: http://www.friulinprin.beniculturali.it/ita/WebAsud/
O soi rivât fint al gno bisnôno intal 1886. Peró pes feminis a si a di spès une rispueste negative...Si viôt che dut a nol é stât cjariât ancjemó.

Venusia ha detto...

Grazie pe segnalazion Jaio! =)

Renzo Tondo ha detto...

mandi ninine,
grazie a ti pe segnalazion :)