venerdì 13 giugno 2008

Varino di riscrivi la preistorie?

Une scuvierte sensazionâl e stares par sconvolzi dutis lis cognossincis che o vin fint cumò su la preistorie!
Dal 2006, di fat, un archeolic bosniac-american, Semir Osmanagic, al è daûr a scavâ une culine a Visoko, a 30 Km di Sarajevo in Bosnie; il studiôs al è convint che sot il strât di vegetazion che al ricuvierç la coline e sedi taponade une costruzion umane che, daûr lis misurazions, e sares adiriture plui grande de piramide di Cheope a Giza, in Egjit. In efiets a viodile, la coline e presente une forme une vore gjeometriche, masse perfete par jessi naturâl; cun di plui a pocje distance, atris colinutis plui piçulis a nascuindaressin ancjetantis costruzions piramidâls.
I prins rilevaments a confermaressin lis ipotesis dal archeolic; lis parêts de coline a son ricuviertis di lastrons di calcâr, perfetamentri incjastrâts tra di lôr e orientâts cui ponts cardinâi. Su la piche dal cuel a son vignudis in lûs stradis di claps e in cualchi bande ancje struments adats ae lavorazion de piere.
La costruzion, clamade “Piramide del Sole”, e sares opare di une civiltât vivude plui di 12.000 agns fa, e chest al fâs capî trop impuartante che a sares cheste scuvierte; a metares in discussion dutis lis modernis teoriis su lis popolazions vivudis te antichitât. Basti pensâ che lis piramidis egjiziis a son datadis a “dome” 3500-2500 agns fa!
Starin duncje a viodi i svilups di chescj studis, intant o podin dome fantasticâ su ce che la ment umane cussì primitive e po vê creât a pocje distance di noaltris!

2 commenti:

Christian Romanini ha detto...

ce robe? ce robe?
mandi Ninine, ma sâstu che se e je vere cheste notizie mi tocje butâ vie il sussidiari? :-)

Jaio ha detto...

Al sarès ore che chestis rôbis a saltedin fûr. A son agns che une scuâdre di archeologos rùs e an scuvierzût che un'âltre civilizazion aé esitide e ch'a vevin datât enfre i 6 e i 12 mil agns e chest, sêti in Egjit che in Sud Americhe. Se cumó ancje tal Kosovo al é compagn, al scuegnarès esisti in dute le Europe. A no si sà par cuâl tacite rasón, chestis rôbis a son tasudis e contestadis pai museos e pe comunitât scientifiche in gjenerâl.
O ai vidût un documentari rùs indulà ch'a mostravin che lis lastris di piêre a erin stadis taiadis in tune maniêre cussí precîse e nete che no podevin èssi stadis taiadis cul scalpel ma di sigûr cun tune techniche che nancje vuê a no si cognós. Infat, se une see al diamant e lasse simpri lis striis e che chestis lamis a no puedin esi dopradis che pai piçui spessôrs, cemût varano fat a taiâ chei blocs cussi grancj
ch'a si disarès taiâts cul laser?