mercoledì 30 aprile 2008

I cjastiei furlans/2

O continui cun la rassegne dai cjastiei furlans: us vevi fevelât di chel di Atimis superiôr, vuê o viodin chel inferiôr. Datât ae metât dal XIII secul, nol ufrìs ancjemò la pussibilitât di visitâlu parce che no je mai stade inviade une campagne di recupar. Di fat, la struture e je pericolant, son restâts dome pôs rudars e une tor parzialmentri demolide. Par chel che al rivuarde i materiai e je stade fate dome une ricercje superficiâl dal teren e la uniche robe rilevant vignude fûr al è stât un toc di ceramiche grêse cun motîfs decoratîfs tipics de basse Ete di Mieç. Il fat che duncje a sedin doi cjastiei a Atimis al po derivâ dal fat che a fossin stadis das divisions tra i nobii di Attems, o forsit par vê un atri pont strategjic.

3 commenti:

Christian Romanini ha detto...

Mandi Ninine
Ma sâstu che cheste e je propit une biele rubriche? Cul patrimoni di cjistei che o vin, tu âs ce scrivi! ;-)

Venusia ha detto...

Eh sì! O speri di stimolâ l'interess viers i nestris patrimonis! =)

Furlans de diaspore ha detto...

O soi stat che atre di a Cassac, le che al cjascjel al jere viart par vie di une mostre. Veramentri biel...
Dopo soi stat ancje di atris bandis...ma pes fotos sul blog o varai di spietà fin cun co torni a Cjase.

Mandi