martedì 22 aprile 2008

L'ugiat

Vuê us presenti il gno tatuaç, che nol podeve che jessi in teme cul Antîc Egjit, une storie che mi à simpri inmagât cui siei misteris e lis meraveis che nus à lassât. Chest al è l’ugiat, miôr cognossût come “voli di Horus”: al rapresente apont il voli dal diu falcuç Horus. La mitologjie e conte che Horus al jere fi di Iside e Osiride, divinitâts egjiziis. Ma Osiride al vignì copât dal fradi gjelôs Seth, che lu taià a tocs e lu sparniçà ator par dut l’Egjit. La femine Iside, iudade di sô sûr Nefti, dal diu Anubi e dal diu Thot, e cjatà i tocs e insieme lu imbalsamarin. Daspò Iside lu ripuartà in vite e chest al deventà diu de muart e dal aldilà. Ma Horus, cuant che al deventà grant, al frontà Seth in bataie par svindicâ la muart dal pari Osiride; il combatiment al fo lunc e cruent dulà che Horus al pierdè un voli. A la fin chei atris dius i u fermarin e a derin a Horus la sovranitât dal Egjit, invezit Seth al vignì slontanât dal paîs. Cussì inte liende il voli dal diu Horus al è deventât simbul di salût e protezion magjiche.

11 commenti:

fotorf ha detto...

O pensavi che tu vesis fat ancje tu el om di Similaun :-)
comunque biel ancje l’ugiat !
e el prosim tatuagjo ??

Christian Romanini ha detto...

Biel!
Ma mi ven ancje a mi une domande... DULA'? *_*

ninine ha detto...

Ranieri, o ai za intal cjaf un sogjet ma no sai ancjemò in ce puest... ;)

ninine ha detto...

Chris, se no tu lu as capit tu lu viodaras cheste estât! =)

fotorf ha detto...

Daipo Christian no vioditu ?
atu el monitor dal Mac fuscat ??
al è daut de spale !
no vioditu dule dx el astic e sule sx i cjavei ????

eeeee....

Christian Romanini ha detto...

Mandi Ranieri, nol è il gno mac fuscât, ma forsit tu che no tu âs let ben... di fat la gno domande e jere leade a la tô. Tu tu domandis "cuâl?" che al sarà il prossim. Jo o domandi "dulà?" che al sarà il prossim.
;-)

Jaio ha detto...

Ospo, un vêr cors di egjitologjie a fior di pelle:-) In datu ancjemó?

Edgar Kenneth ha detto...

E se a salte four Imoteph (scrit iust?) che magari al pense che tu sedis la so murose reincarnade? Io i stares in alerte.

Tu mi as dat une idee per un altri tatuagjo che i ai voe di fami sot di chel chi ai gia.

ninine ha detto...

No jajo, par cumò no'ndai, ma o stoi ben pensant...

blak ha detto...

ciao, mi sono un perso, sarà che ho perso l'allenamento con il friulano
hai fatto un tatuaggio??

ninine ha detto...

eh sì! da due anni ormai! beh, vienimi a trovare più spesso così ripassi un po' di friulano! =)