giovedì 17 aprile 2008

Cjastiei vierts!

Domenie ai 20 di Avrîl il Consorzi pe Salvaguardie dai Cjastiei Storics dal Friûl Vignesie Julie al organize la zornade dai cjastiei vierts in dute la Regjon, in particolâr mût chei che vie pal an no son visitabii. Pal cost di 5 euros o podarês visitâ bielecis come il cjastiel di Vilalte, di Cordovât, Mugle e v.i. Une ocasion di no pierdi! =)

8 commenti:

Sandri Carrozzo ha detto...

Ce biei i cjistiei, ma ce injustizie il biliet. Scuse se o fâs il rivoluzionari, ma i cjistiei a son stâts fats pai siôrs cul sanc e cui sacrificis de puare int, cumò pe manutenzion i parons dai cjistiei, che in plui di cualchi câs a son ancjemò des fameis nobilis di une volte, a cjapin ancje bêçs publics, e parsore sai tegnin sierâts dut l'an: une volte ad an o dôs ju vierzin e ti fasin paiâ 5 euros par viodiju!!!
Ma schercino? Se o vuei viodi 6 cjistiei a son 30 euros: in câs ju pai ancje vulintîr, ma alore si gjave il finanziament public e mai tegnin vierts dut l'an! Po dopo a fasin ancje part di un consorzi: pussibil che no si puedi fâ un biliet unic magari di 15 euros e tu puedis passâ di un a chel altri cence che ti spelin une altre volte? Ancje come propueste turistiche mi somee che la mentalitât dai parons e je ancjemò medievâl.
Mandi.

Sandri

Venusia ha detto...

Sandri, o scugni dati reson, cuant che o ai let che si paiave un biliet par ogni edifici o soi restade un tic ancje jo. Purtrop in Italie no esist ancjemò une mentalitât turistiche, ven a stai che invezit di stimolâ la int a tutelâ e amâ lis nestris bielecis si sfrute chel che si a par fâ bês e vonde =( Baste viodi tropis risorsis economichis che a vegnin stanziadis par i bens culturai... =(

Christian Romanini ha detto...

Biele segnalazion Ninine: cualchi informazion di plui si le cjatile ancje chi

Venusia ha detto...

Grazie pe segnalazio Christian!! =)

Unknown ha detto...

mandi

fotorf ha detto...

biele inisiative,
quasi quasi un salt a chel di Susans o podares ancje falu...
Si podarano fa fotografies dentri ?
o speri di si, se o voi o voi ancje par chel !!
maman....

fotorf ha detto...

un salt in chel di Susans lu ai fat,
biel e vonde ma par fa fotografies nol lave tant ben, mase int che coreve a tor...
dopo o met un quatri fotografies tal me blog.

maman

Venusia ha detto...

Ben, braf Ranieri! =)
Dopo o voi a viodi!