martedì 7 ottobre 2008

Cjasteîlr di Gjalerian

Dopo l'aromai nomenât tumul di Merêt, vuê us presenti un altri sît che l'Universitât dal Friûl e à sgjavât cheste istât, il cjastel îr di Gjalerian. Tacât intal 2003 lis ricercjis a son scomençadis di gnûf tal 2007; i lavôrs si son concentrâts atôr de spice nord de difese dal tiereplen. In cheste zone a son stâts individuâts i rescj de sdrumade di une abitazion lungje almancul 10 metros (de ete dal Bronç medi-resint). Un altri saç al è stât viert inte aree devant la estremitât nordorientâl dal aggere: chi si son cjapâts su dâts su la composizion e lis fasis de struture argjnade. Cun di plui si è podude verificâ l’esistince di un varc antîc, su la spice nord come intal cjastelîr di Sedean. Si trate di un comples sisteme di ingres confrontabil cun puartis monumentalis di altris cjastelîrs, come chel di Moncodogno/Monkodonja, su la cueste ocidentâl de Istrie. I sgjâfs a Gjalerian laràn indevant almancul un doi agns par completâ dutis lis ricercjis necessaris.

3 commenti:

la Morete ha detto...

graziis pe t^o disponibilitât. Rivaressistu a fâ un discors sui imprescj dal archeolic? magari cun cualchi imagjin?
E puedio domandâti se intun altri post tu rivaressis a scrivi cualchi procedure di lav^or par un sgjâf, propite come elenc cun frasutis facilis... O mandarès i fruts di tierce a lei... graziononis!

ninine ha detto...

Mi met subit a vore! A pene che o ai pront ti visi! =)
Maman!

Christian Romanini ha detto...

Ben po! Ce biele robe! In bocje al lôf! :)