mercoledì 27 agosto 2008

Tornade!

Ve ca che o soi tornade, abronzade e un tic ingrassade (...)!
Ancje par cheste Istât lis feriis a son purtrop finidis, e cumò e je ore di tornâ a tacâ a inzornâ il gno blog! Us met subit une gnove che e rivuarde Aquilee: intal sît da lis Grandis Termis, ven a stai lì che a sgjavin i students de Universitât dal Friûl, e je vignude in lûs une tombe altmedievâl (1500 agns indaûr) cuntun inumât (om) alt cirche 1.65/1.70 cm, i cui vues a mostrin olmis di une vite dure, segnade dal traspuart di grancj pês.
Il cuarp al jere distirât dentri dos grandis anforis produsudis in Afriche, rinvignudis di lunc dal mûr meridionâl dal implant termâl. Purtrop ulteriôrs dâts a son lâts pierdûts cul lâ dai secui, stant che tra il XIII e il XIV secul i aquileiês di chel timp a smontarin fint aes fondazions i mûrs dal grant comples termâl roman par reimpiegâ pieris e modons, come che al avignive in chei agns.

4 commenti:

Christian Romanini ha detto...

Bentornade! ;)

ninine ha detto...

Grazie Chris! =)

thermonuke ha detto...

Bentornade, alore satu, o ai stat a viodi le tumbare di meret vie pes feries.

Mi soi impaltanade le machine che al e un plase e al e dut sot el cielofan, pero di stes e je une robe interesant e afascinant.

No mi spietavi un col cussi alt.

ninine ha detto...

Grazie Thermo!
Beh, sì, oramai i sgjâfs a son finits, o pensi che a vedin ancje za fat il calc di Rovul. Oramai tocje dome spietâ che al vegni metut in mostre come che àn dite.
Par chel che al rivuarde il tumul disevin di fâ un percors museâl, bêçs permetint.
Sperin! =)