martedì 5 agosto 2008

Cjastelîr de Gradiscje

Uns dos setemanis indaûr o soi stade a scavâ intal cjastelîr de Gradiscje che si cjate a Codroip, dongje dal Parc des Risultivis. Il cjastelîr al è un borc fortificât, a voltis cun mûrs o cun rialçaments di tiere, di forme elitiche o cuadrangolâr, cun al interni struturis abitativis di tipo sempliç, fatis sù cun materiâi deperibii. Cheste tipologjie di insediament al è tipic de aree istriane, de Dalmazie, dal Venit e dal Friûl - Vignesie Julie. La datazion si coloche inte ete dal Bronç di mieç (XV secul p.d.C.) e e durà sù par jù un mileni.
La campagne di sgjâf di chest an, direte di Piero Tasca de Socjetât Furlane di Archeologjie, e à permetût di ricostruî la vite intal cjastelîr; l'abitât al jere costituît di barachis cu la struture puartant in len e il cuviert di stran e pantan. Si è calcolât che i abitants a fossin sù par jù un centenâr e che si dedicassin al arlevament di pioris e cjavris; chest si è podût dî par vie che a son stâts cjatâts struments adats ae tiessidure (fusaiolis, o ben dai pês par tignî la lane). Di lôr però no si cognòs la lenghe, duncje no je ancjemò ben clare la origjin.
Ducj i reperts tirâts fûr chest an cumò a laran in restaur, po dopo a vignaran metûts intal museu di Codroip.
(In mancjance di une foto dal cjastelîr de Gradiscje us met chê dal cjastelîr di Savalons - Merêt di Tombe -)

3 commenti:

thermonuke ha detto...

Spiimi, che frazion di Pagnà che si clame Cjasteliri, (li che je le fabriche dai predis) jentrie alc?

ninine ha detto...

Dut al fâs pensâ che in origjin il toponim al derivàs propite de presince di un cjastelîr, ma chest al dì di vuê al à ancjemò di sedi confermât, no son stadis cjatadis evidencis archeologjichis di chest gjenar.

manolo ha detto...

A proposito di castellieri vorrei chiederti se sai qualcosa del castelliere di Doberdò del Lago;
Andando ad arrampicare nella falesia sottostante ci siamo imbattuti nel castelliere che si trova nel pianoro appena sopra la falesia.
Puoi rispondermi nel blog dove ho inserito un post:
http://www.webandana.com/weBlog/2008/08/11/il-castelliere/

Mandi
Manolo