mercoledì 6 ottobre 2010

Uniud in Sirie

O sin rivâts a puartâ a cjase un altri travuart, altris 5 agns di sgjâfs e ricercjis te aree archeologjiche de antighe Qatna. O feveli de Universitât dal Friûl, che a dispiet des ultimis polemichis "fondudis" di cualchi europarlamentâr, e à savût puartâ indevant lis sôs ecelencis.
La gnove campagne si ocuparà di fat dal restaur dal palaç reâl de antiche capitâl siriane e cun di plui di vierzi une gnove aree di sgjâf inmò di screâ.

Ae cerimonie di inaugurazion in Sirie e jere presinte ancje la nestre retore Cristiana Compagno, dongje de first lady siriane Asma al-Assad, il ministri de culture siriane e altris rapresentants politics internazionâi.

Par savênt di plui lait a viodi ancje il sît dal sgjâf!

1 commento:

DoneBete ha detto...

La gnove Contecurte
http://contecurte.blogspot.com/

Vuei di matine, tor vot e mieze, o soi stade al licôf da la gnove Contecurte.

Alì a jerin za Jaio e Frank e jo o jeri vistude a fieste, come ca si conven cuant ca si va atôr, mighe cu la tute di spaventepassaris come devant dal ordenadôr, vê!

O ai savût che an aumentât l'organic, metint dongje al Ustîr e al Ustîr in Seconde, no dome il Camarîr, che al è stât confermât a timp indeterminât, ma ancje un Garzon, un vore brâf, e un Famei, cuntune vore di snait. Cun di plui e an ancje insiorât la ufiarte, jemplant il camarin e lis scansiis di vins diferents des contis, ancje se a àn simpri a cefâ cun lôr.

La inaugurazion uficiâl e je proviodude par lunis ai 25 di Otubar, ma za cun cheste setemane, mi an dit, ca començaran cu lis publicazions.