lunedì 23 agosto 2010

Jo o vîf intun cjistiel

O vuli segnalâus une biele publicazion pene vignude fûr par cure de brave Laura Guaianuzzi di Manià, studentesse e po ricercjadore di Storie Medievâl de Universitât dal Friûl, che e à scrit e ilustrât un bielissim libri didatic, bilengâl talian/furlan, su un cjistiel medievâl furlan, chel di Cjistielvuardie. Il libri si clame "Io vivo in un castello/Jo o vîf intun cjistiel" (Ed. L'Omino Rosso) e al conte, cu la vôs dal piçul Pileu, fantacin che al vîf te Ete Medievâl, la vite e lis usancis di chei timps. Sempliç e svelt chest libri si adate benon pal ûs didatics tes scuelis, un biel strument par contâ in maniere clare e trative la storie de nestre Ete di Mieç.Interessant ancje par discuvierzi tiermins e nons gnûf di ogjets o usancis in vore ta chei timps.
Inmò cetancj compliments a Laura, o restìn in spiete dal to prossim lavôr! :)
(te foto la cuviertine dal libri)

2 commenti:

Andrea ha detto...

Al sarà un libri par frùs, ma ce biele idee!!!
Complimens ancje pal blog: ancje jo o soi appasionat di storie (plui che di archeologjie, ma lis robis si tocjin) e di Friùl!

mandi!

Andrea di Tresesin

Ninine ha detto...

Graciis Andrea, plasê di vêti cognossût!
Eh sì, il libri di Laura al è propit biel, sperìn di lei alc di gnûf in curt!
Se tu âs libris di chest gjenar di segnalâmi scrivimi!
Maman!