mercoledì 6 gennaio 2010

Tombis medievâls


Si vierç ben l'an, o miôr, si è sierât ben il 2009, stant che une grande scuvierte e je stade fate propi la vilie di Nadâl a San Canzian dal Lusinç, sot de glesie di San Proto (inte foto). A son vignûts fûr di fat 2 scheletris, un di om e un di femine, datâts a la ete basse medievâl (la glesie di fat e je stade fate sù intal secul XV), periodi no masse siôr di scuviertis pal Friûl, che e rint inmò plui impuartante la scuvierte di San Canzian. Us met il link par lei par intîr la gnove.

6 commenti:

bilite ha detto...

Uè aiè la Vuestre fieste, e sicome ai fat già i "complimens" a che che vif dongje di me, no volevi smenteami di Te e di dutes ches ca lein chist blog....AUGURONS...di doman a tornarin a cjacarà di robes un poç pui sereies..ma par uè butinle in stajare....maman..;-D

ninine ha detto...

MAH! =P
bon bon, cjapinju come auguris di buine fortune di no deventâ come jê!!! =D

DoneBete ha detto...

Mandi Ninine, o ai juste let su "Il Diari" la gnove che Andrea Pessina, co vevi cognossût cuant che a Palaçûl jere stade scuvierte une impuartante sepulture di epoche neolitiche, "La bambina di Piancada" al à otignût un impuartant incaric e cussì a mi fâs plasè di meti il scrit ancje sul to blog:

ANDREA PESSINA Sorintendent tal Abruç
L’archeolic di Udin Andrea Pessina, fi dal innomenât neurolic Giovanni, al è deventât sorintendent pai bens archeologjics dal Abruç. La sô presentazion uficiâl e je stade fate ai 17 di Setembar, li dal Archivi di stât di Bazzano, daprûf L’Aquila. Pessina, nassût dal 1963 e indotorât a Pise, al à lavorât in passe cent cantîrs di sgjâfs archeologjics, comprendûts chei di Blancjade di Palaçûl, di Samardencje di Puçui e di Fagnigule di Daçan.Dopo di vê operât li de sorintendence archeologjiche furlane, al jere stât destinât tal Museu di art orientâl di Rome.

ninine ha detto...

Grazie Done Bete!
O soi une vore contente se i miei letôrs a interagjissin cul gno blog!

Us zonti chest link par lâ a lei la interviste al dott. Pessina dopo de sô nomine a sovrintendint pal Abruç:


http://www.archart.it/rivista-archeologia/001896_intervista-al-soprintendente-andrea-pessina/

bilite ha detto...

A proposit di "gnoves", in pueste Ti ai mandat un articul vegnut fùr su " la Vita Cattolica" dal 9 di Zenar sul grop archeologic di Cellina Meduna sulla "villa Rustica" di Molinat di Maniago.

DoneBete ha detto...

Ninine, mi è vignude nostalgjie archeologjiche e cussì ai scrit une robute tal gno blog.
Mandi
Gjovane
http://donebete.splinder.com/