lunedì 28 luglio 2008

La tombe di Rovul

Aromai la notizie è à fat scalpôr, une scuvierte masse impuartante che à scjassât dut il setôr archeologjic regjonâl, e no dome. Rovul (inte foto "cun me"!) cussì al è stât batiât il muart, al è di sigûr il plui vecjo furlan che si sedi cjatât fint cumò, vivût cirche 4.000 agns fa. Di une prime analisi efetuade sul scheletri, conservât une vore ben, al veve tra i 17 e i 18 agns, alt 1.50 m., no son stadis rilevadis malatiis particolârs, dome une fuarte usure dai dincj, dovude probabilmentri a une diete coriacee. Il cuarp al jere stât vuluçât intune piece e forsit dopo metût dentri une casse di len. La sepolture e je situade a cirche 80 cm sot il nivel dal teren atuâl; po dopo parsore e fo stade costruide dute la struture in clap, tiere e argjile, fint a rivâ a une altece di plui o mancul 6 m. Altris aprofondiments vignaràn dâts dopo che i vues vignaràn mandâts a analizâ in doi, forsit trê, laboratoris di datazion cul metodi dal carbonio-14.

10 commenti:

thermonuke ha detto...

Scalpor? el to mestri usgnot di da ju cule steche pai dets :-)

Venusia ha detto...

parcè thermo?

Venusia ha detto...

hehehehehe! tu âs reson, al è scalfûr! =P

thermonuke ha detto...

ce che mi tocje fa!
Insegnaus el furlan :-DDDD

ancje "scjas" al steve...

Venusia ha detto...

eh thermo, lu sai, ma ducj a sin brâfs cul dizionari bilengâl! =P

Venusia ha detto...

a proposit, alore vegnistu a Maian a cjatâmi...? =D

thermonuke ha detto...

A bhe si par di scalfur (che al e il cusin sart di scalfaro) al covente el gdbtf, par di scjas baste cjapa une pore... ;-)

dut cas le prosime volte che ti cjati ti saludi, simpri che no tu sedis casualmentri in compagnie =D

Venusia ha detto...

hehehehe! ven a saludâmi di stess!

thermonuke ha detto...

Provarai ma tu silensio mi racomandi. No taca a di velu velu...

Venusia ha detto...

Ok! ;)