martedì 22 luglio 2008

Un antîc massacri

A Talheim, inte Gjermanie sud-ocidentâl, tra il 1983 e il 1984 e fo scuvierte une fuesse comune cun dentri i rescj di 34 individuis di etât comprendude tra i 2 e i 60 agns. Cetancj di lôr a vevin brutis feridis intal cjâf, prove di une muart di sigûr violente.
Al inizi si crodeve che al fos un episodi leât ae invasion de Gjermanie di bande di trupis romanis o barbarichis; ma ultins studis a àn rivelât che il sît al risalìs ae ete neolitiche, duncje tor il 5.000 p.d.C.
Chest di sigûr al ribalte la false crodince che lis primis comunitâts di contadins a fossin trancuilis e pacifichis. Cun di plui lis analisis sui rescj a àn confermât la mancjance di feminis adultis; duncje e je une fuarte pussibilitât che il maçalizi al sedi stât atuât in seguit a un scuintri par caparâsi lis feminis e garantîsi cussì une dissendence.
Cjapât dal mensîl di archeologjie "Archeo" n.7, an XXIV.

3 commenti:

Christian Romanini ha detto...

Ustie ce legnade chel puaret te foto...

ninine ha detto...

heheheheh! purtrop no ai rivât a cjatâ fur une foto de fuesse cun ducj i rescj, ma cheste imagjne e rint ben ce che al à di sedi sucedut.

furlanar ha detto...

"duncje e je une fuarte pussibilitât che il maçalizi al sedi stât atuât in seguit a un scuintri par caparâsi lis feminis e garantîsi cussì une dissendence"
Rôbis di un'âltri mont ma che se i mùi di Udin a fasessin cun lis mulis di Triest a si varès plui furlans l'ant ch'al ven:-)...Sa no son ducj bielzà passâts di chê âltre bande.