giovedì 31 luglio 2008

Ancjemò scuviertis in Friûl!

Cheste e je une istât fertil pe archeologjie furlane! Dopo la ecezionâl scuvierte di Merêt ancje a Atimis i sgjâfs sul cjstiel superiôr a àn dât impuartants risultâts. Intun scoladôr di fat e je vignude in lûs une bole di aur blanc, forsit riferibile a Alessio Prin di Costantinopoli; secont lis ricostruzions dai archeolics al sarès un titul nobiliâr conferît a Corrado Prin di Atimis tor l’an 1095. La scuvierte e permet di fâ lûs sui contats cun l’Imperi d’Orient di cui che in ta chê volte al viveve a Atimis, di sigûr une classe nobiliâr di alte levadure. La campagne di sgjâf e je puartade indevant, aromai di 10 agns in ca, de Societât Furlane di Archeologjie cun i Museus Civics di Udin.

2 commenti:

surisin Toni ha detto...

o ai apene scuviert chest blog e mi pâr une vore interessant, specie parcè che al è par furlan! E o puès doprâ cualchi gnove ancje a scuele. Mandi e graziis!

Venusia ha detto...

Mandi Morete! O soi onorade che il gno blog al podedi sedi un strument di ispirazion pe didatiche inte scuelis! Grazie a ti par sedi passade par chi, ti spieti! =)