sabato 8 maggio 2010

Gnove Tiere Furlane

Al è vignût fûr il gnûf numar di Tiere Furlane, la riviste cuadrimestrâl publicade de Regjon dedicade al mont rurâl, che cheste volte e dediche une biele part a la archeologjie!
Si vierç di fat cuntun biel articul di Paola Visentini e Mauro Rottolo su lis origjins de agriculture, po dopo un altri aprofondiment par cure des professoressis Elisabetta Borgna e Paola Cassola Guida e de dotore Susi Corazza sul Friûl prime dai Romans, o ben su la culture dai cjastielîrs.
La riviste e je stade presentade joibe di sere a Caprive li di Villa Russiz, un contest pardabon bielon dulà che a jerin presints l'assessôr regjonâl ae agriculture Claudio Violino, lis relatoris dai articui prof. Borgna e Cassola, il gjornalist de Rai Armando Mucchino, il coordenadôr editoriâl Enos Costantini e il diretôr Christian Romanini.
Cumò o podês cjatâ la riviste ancje on-line al sît www.regione.fvg.it/tierefurlane.

2 commenti:

bilite ha detto...

veramenti un biel articul, cal parte un poc di lusòr ta chel toc di storie dal Fiùl par mase ains dismenteade. A scuele nus an insegnat che prime dai Romans, chi in Friùl no esisteve praticamenti nuie e che la "civiltat" aiè stade purtade da stirpe di Romolo & Remo....lo.

ninine ha detto...

Esat, ce che jo o batarai simpri e je propite la impuartance de PREISTORIE FURLANE stant che di chei che a son vignûts dopo o 'nt savìn za avonde. Cheste dissipline invezit e je nmò dute di scuvierzi e di insegnâ ai nestris fruts!