sabato 13 marzo 2010

Faraon cence pâs

Dopo 88 agns de scuvierte de sô tombe, dopo agns di studis, di ipotesis, di analisis e teoriis la mumie di Tutankhamon no cjate inmò pâs; di fat e je vignude fûr une gnove scuvierte daspò altris analisis efetuadis sul so dna, o ben che il faraon-frut (faraone-bambino, par vie de sô zovine etât cuant che al è muart) al sarès nassût daûr di un rapuart incestuôs. Cheste teorie azardade, ma che e podarès cjatâ fonde par vie dal fat che in chê epoche i rapuarts tra personis de stesse famee regâl a jerin vonde difondûts, e je stade proferide dal archeolic egjizian Zahi Hawass, vice ministri de Culture dal 2009 e segretari gjenerâl dal Consei superiôr pes antichitâts dal Cairo. Us zonti il link cu la notizie interie, buine leture!
(inte foto la sô mumie...ce biel che al è!)

2 commenti:

Anonimo ha detto...

ma viôt tu...
no dome al puarte sfighe,
ancje fî disgraciât!
:)

a ogni mût interessante gnove
:)
mandi!

Venusia ha detto...

Hehehehe!
Eh sì, puaret, lis à propite dutis intôr! =)
Graciis par jessiti notât come sostignidôr!