sabato 28 febbraio 2009

Il diu dal soreli


Îr si è vierte une mostre al Palaç Bricherasio di Torin dal titul Akhenaton faraone del sole, il faraon che al à istituît il cult di Aton, disc solâr, fasintlu deventâ uniche divinitât dal Regn. La storie dal faraon Akhenaton (Ehknaton-chel che al è util a Aton), omp di Nefertiti, e je une vore avincente, cun lui l'Egjit al passà agns di gambiaments e di contrascj, par vie de sô riforme "amarniane", stant che al impedì il cult di chei altris deis e la sierade dai templis. Ma forin ancje agns di rinovament culturâl e artistic. O vês timp par lâ a viodi la mostre fint al 14 di Jugn.

3 commenti:

M. ha detto...

Il sô nom se no fali a jere Amenophis IV (o une robe dal gjenar).

Mi à simpri cjapât dentri la storie di chel faraon. Fasarai di dut par lâ a viodi chê mostre cun me fie che, robe stranie, e sta studiant propri cumò la storie dai Egjizians a scuele e e devente mate par lis piramidis, i gjeroglifics, lis mumiis e dutis ches robis alì. E in efiets mi rindi cont che soredut par un frut che egjzie e à di jessi une civiltât une vore atraent.

Venusia ha detto...

Esat Matieu, si clamave propite Amenophi IV. O crodi che lâ a visitâ chê mostre e sedi une buine ocasion par discuvierzi une storie fantastiche, no dome par i fruts. Ti consei, une volte a Torin, di no mancjâ al museu egjizi, un dai plui impuartants dal mont par chel che al rivuarde l'egjittologjie. Buine visite!

M. ha detto...

atu par câs voidût chest:
http://www.repubblica.it/2006/08/gallerie/spettacoliecultura/egitto-tomba/1.html

No son bon di lei i gjeroglifics, ma forsi tu...