150 agns indaûr al vignive dât ae stampe un dai libris che di plui a àn gambiât la muse de storie, "La origjin des speciis" di Charles Darwin. A Udin e vignarà ricuardâde cheste impuartantissime figure che tant nus à dât ai 4 di Fevrâr, a lis 18.00, lì dal Salon dal Parlament in cjistiel, cul contribût di un antropolic di fame mondiâl, Ian Tattersall. Apontament di no pierdi!
Bielissime mostre a Torin, uniche tappe in Italie, di passe 500 reperts dal Antîc Egjit, cjatâts a Alessandria, Canopo e Heracleion, sul delte dal Nilo, cumò sprofondadis sot 6 metros di aghe. Dai 7 di Fevrâr ai 31 di Mai ae Venaria Reale. Par dutis lis informazions cjalait a chì e chì.
Come za acenât timp indaûr jo e la mê coleghe Francesca (
inte foto cun me intant che o sgjavìn!)
o sin daûr a promovi il nestri progjet di laboratori di archeologjie par fruts; si trate di un cors di ativitât didatiche sedi teoriche che pratiche sul mont de archeologjie, cun esperiments in sgjâfs simulâts, in te costruzion di mosaics o inte piture come che si faseve une volte. Cun di plui il laboratori al sarà disvilupât sedi par talian sedi par furlan, par dâ une ofierte didatiche plui ampie. Cumò o stin vint i prins contats par lavorâ in cualchi centro estîf, sperant che cheste esperience nus puarti a pandile ancje in te scuelis cul mês di Setembar. O aprofiti ancje par ringraziâ Christian pe segnalazion su so blog! Sperìn ben!! =)
O vareis let o sintût in chescj dîs la polemiche vignude fûr in merit al concors nazionâl dal Mibac (Ministeri pai Bens e Ativitâts Culturâls); dut il mont de archeologjie si è mot cun indignazion par il svolziment des provis preseletivis e ancje par la grave disorganizazion dal concors intîr. Si lei di int rivade a jentrâ ancje cence recuisîts (...), de difusion di domandis sbaliadis e confusionadis, di criteris di valutazion assurts, di disparitât di timps pe preparazion de prove... Par chest l'ANA (Associazion Nazionâl Archeolics) e la CIA (Confederazion Italiane Archeolics) a àn domandât di retificâ il concors ma nuie di fâ, il ministri Bondi nol à dât rispueste. Jo personalmentri o cognòs cualchidun dai mei coleghis che a son stâts a fâ il concors e a sintî ce razze di domandis che a jerin al jere di sgrusulâsi! Mi spiegaiso a ce che mi covente a mi archeolighe savè equazions e disequazions, nozions su codic DNA e RNA, petroli e cacau?!? Robis di mats. E dopo jo mi incazzi come une bestie cun chei che mi domandin:"Ma cu la tô lauree dulà âstu di lâ a vore? In Egjit?" Mah, viodint cemût che a van lis robis chi in Italie forsit o ai cualchi sperance in plui di lavorâ cun Zahi Hawass!
Ustie! Rît e scherçe o sin rivâts a 5000 contats!! Graziiiiiissssss! =)
Us ricuardi la mostre lì de glesie di Sant Francesc a Udin, che fint dal '300 e je stade abelide di impuartantis pituris, vuê restauradis e tornadis ae lôr bielece. Un biel articul su la mostre podeis leilu a chì.
Dopo 70 agns a son tornadis in mostre lis 109 monedis patriarcjialis di arint dal secul XIV, cjatadis di lunc di lavôrs in place Garibaldi intal 1934. Fint ae fin dal 2010 a saràn in mostre al Museu Archeologjic di Codroip. Par lei l'articul fracait a chi.
O ringrazi di gnûf la mestre Lorele che mi à segnalât il sît dal gjornalut de scuele G.B. Candot di Codroip, dulà che je e i fruts des tiercis a àn tacât a fevelâ de lôr esperience cu la "archeolighe" (magari no dome su la cjarte!). Lait a visitâlu parcè che al è une vore biel e simpatic! =)Inte foto la mê jentrade "spetacolâr" in classe!
A Nadâl mi è rivât un bielissim regâl: un libri de golaine di Glesie Furlane cun lis riflessions di pre Toni Beline su la famee e il matrimoni in Friûl. Us met juste un tocut di cerce, ma leieitlu che al è propite biel! " La famee e je il santuari de vite, ma ce gust e rispiet puedio vê pe vite di chei altris, se no ai mai stimât il gno popul, la sô fadie, la sô voie di jessi dongje di chei altris, par gjoldi ce che a àn di biel e mostrâ ce che si è te lenghe e te culture?"
Tra vuê e doman e torne la tradizion furlane dai pignarûi, che e jê simpri stade ben testemoneade un pôc pardute la regjon. O cognossarês dal sigûr chei plui famôs, soredut chei sul tarcentin, ma jo us vuli segnalâ chel dal gno paîs, che la proloco ogni an e fâs sù cun tant impegn e volontât! E alore...ducj a Vissandon doman aes 20 sot sere!.... e no stait a preocupâsi, par combati il frêt a son ben doi chioscos enogastronomics! Us spieti! =)Inte foto il pignarûl di doi agns indaûr a Vissandon.
Vuê o ai stât a viodi la mostre di Cromazi di Aquilee lì dal Palaç patriarcjâl. Bieline, ancje se, finide la visite, no vevi inmò incuadrât propite ben la figure dal vescul di Aquilee. La prime part e jê incentrade su Aquilee come impuartante citât dal Imperi e come crosere di lenghis e di popui; po dopo si passe a la storie de nassite dal Cristianesim e la sô difusion. Insom al è tratât Cromazi e la sô glesie, traviers numerosis testemoneancis di autôrs famôs e ancje de sô peraule.
Tancj auguris di un bon principi a ducj i miei letôrs!! =)
Come za acenât timp indaûr jo e la mê coleghe Francesca ( inte foto cun me intant che o sgjavìn!) o sin daûr a promovi il nestri progjet di laboratori di archeologjie par fruts; si trate di un cors di ativitât didatiche sedi teoriche che pratiche sul mont de archeologjie, cun esperiments in sgjâfs simulâts, in te costruzion di mosaics o inte piture come che si faseve une volte. Cun di plui il laboratori al sarà disvilupât sedi par talian sedi par furlan, par dâ une ofierte didatiche plui ampie. Cumò o stin vint i prins contats par lavorâ in cualchi centro estîf, sperant che cheste esperience nus puarti a pandile ancje in te scuelis cul mês di Setembar. O aprofiti ancje par ringraziâ Christian pe segnalazion su so blog! Sperìn ben!! =)
O vareis let o sintût in chescj dîs la polemiche vignude fûr in merit al concors nazionâl dal Mibac (Ministeri pai Bens e Ativitâts Culturâls); dut il mont de archeologjie si è mot cun indignazion par il svolziment des provis preseletivis e ancje par la grave disorganizazion dal concors intîr. Si lei di int rivade a jentrâ ancje cence recuisîts (...), de difusion di domandis sbaliadis e confusionadis, di criteris di valutazion assurts, di disparitât di timps pe preparazion de prove... Par chest l'ANA (Associazion Nazionâl Archeolics) e la CIA (Confederazion Italiane Archeolics) a àn domandât di retificâ il concors ma nuie di fâ, il ministri Bondi nol à dât rispueste. Jo personalmentri o cognòs cualchidun dai mei coleghis che a son stâts a fâ il concors e a sintî ce razze di domandis che a jerin al jere di sgrusulâsi! Mi spiegaiso a ce che mi covente a mi archeolighe savè equazions e disequazions, nozions su codic DNA e RNA, petroli e cacau?!? Robis di mats. E dopo jo mi incazzi come une bestie cun chei che mi domandin:"Ma cu la tô lauree dulà âstu di lâ a vore? In Egjit?" Mah, viodint cemût che a van lis robis chi in Italie forsit o ai cualchi sperance in plui di lavorâ cun Zahi Hawass!
Us ricuardi la mostre lì de glesie di Sant Francesc a Udin, che fint dal '300 e je stade abelide di impuartantis pituris, vuê restauradis e tornadis ae lôr bielece. Un biel articul su la mostre podeis leilu a chì.
Dopo 70 agns a son tornadis in mostre lis 109 monedis patriarcjialis di arint dal secul XIV, cjatadis di lunc di lavôrs in place Garibaldi intal 1934. Fint ae fin dal 2010 a saràn in mostre al Museu Archeologjic di Codroip. Par lei l'articul fracait a chi.
O ringrazi di gnûf la mestre Lorele che mi à segnalât il sît dal gjornalut de scuele G.B. Candot di Codroip, dulà che je e i fruts des tiercis a àn tacât a fevelâ de lôr esperience cu la "archeolighe" (magari no dome su la cjarte!). Lait a visitâlu parcè che al è une vore biel e simpatic! =)
A Nadâl mi è rivât un bielissim regâl: un libri de golaine di Glesie Furlane cun lis riflessions di pre Toni Beline su la famee e il matrimoni in Friûl. Us met juste un tocut di cerce, ma leieitlu che al è propite biel! " La famee e je il santuari de vite, ma ce gust e rispiet puedio vê pe vite di chei altris, se no ai mai stimât il gno popul, la sô fadie, la sô voie di jessi dongje di chei altris, par gjoldi ce che a àn di biel e mostrâ ce che si è te lenghe e te culture?"
Tra vuê e doman e torne la tradizion furlane dai pignarûi, che e jê simpri stade ben testemoneade un pôc pardute la regjon. O cognossarês dal sigûr chei plui famôs, soredut chei sul tarcentin, ma jo us vuli segnalâ chel dal gno paîs, che la proloco ogni an e fâs sù cun tant impegn e volontât! E alore...ducj a Vissandon doman aes 20 sot sere!.... e no stait a preocupâsi, par combati il frêt a son ben doi chioscos enogastronomics! Us spieti! =)
